गोदान सोरगो - गोदान बुहुम: अरायबो थाग्रा न'

"जिउआव बासायजानायफोरनि जोबथाराजाचे, अरायबो सुखुयै थाग्रा थाउनि आरो न'खौ नायगिरनानै दिरुन्दो !"

गासैनो जिउनि आरो धोरोमनि जारिमिनफ्राउ, मानसिफ्रा जिउनि थांखि, बासायजानाय, आरो थैनायनि उनाव मा जायो, बहा थाङो बेनि सोमोनदै गोथौ सोंलुफोर गाउजोंगाउ सोंल्जायो आरो साउरायल्जायो।

अरायसमनि थाखै जोंनि सोंनायनि बे फिन्नायखौ बुजिहोनो हानाय महरै होनो हाग्राखौ गोथार बाइबेलाव जिचु ख्रीष्टनि मावनानै दिन्थि लांनाय बिनि जिउ जारीमिनावछो आबुंयै मोन्नो हायो होन्नानै आं सानो ।

सोंलुफोरनि फिन्नायफोरखौ मोननो थाखै गाहायाउ नायलांदो:

A. "जिउनि बासायगिरि हिसाबै बाइबेला जिचु ख्रीष्टनि बुहुमाव मानसिनि महरै जोनोम लाफैनायनि थांखि(मिसन)आ फोथायग्राफोरखौ माबोरै गोहोम खोख्लैयो ?"

गोबांआनो जिसुखौ सासे गिदिर फोरोंगिरि, इयुन बुंथिगिरि एबा जारिमिनारि सुबुं महरै नायो, नाथाय बाइबेला फोरमायनाय बादिब्ला बिथांनि थांखिया बेनिक्रूइबो जोबोद देरसिनमोन। बिथांनि फैनाया जारिमिनाव मोनसे जाथायल' नङामोन - बेयो सुबुं माहारिखौ अराय समनि जिउआव सोलायहोनो थाखाय मोनसे ईशोरारि(divine) आखाय होनायछोमोन। "

नोंथाङा सासे फोथायग्रा एबा सोरबा दासिमबो फिन्नाय नागिरबायग्रा सुबुं जानो हागौ; आसा खालामो- बे लिरबिदाङा नोंथांखौ बे सोंलुफोरनि फिन्नायखौ बुजिनायाव मदद होनो हागोन- जिसुआ मानो फैदोंमोन आरो बिखौ नागिरग्रा गासैनोबो बियो मा होनो हागौ।

1. पापनिफ्राय सुबुं माहारिखौ रैखा खालामनो बाइबेला बेखौनो फोसावो दि - गासैबो फाब खालामबाय आरो ईशोरनि महिमानिफ्राय गोजान जाबाय (रमारि 3:23) । पापआ मानसिफोरखौ इसोरनिफ्राय आलादा खालामो, जायनि जाहोनाव आत्मायाव थैनाय(spiritual death) जायो। जिसुआ गावखौ जोबथा बावसोमनाय(sacrifice) महरै बावनानै बे फारागथिखौ सुफुंनो फैदोंमोन।

माथाइ 1:21 – "बियो सासे फिसाज्ला जोनोम होगोन, आरो बिखौ जिसु मुं होनांगोन, मानोना बियो गावनि मानसिफोरखौ बिसोरनि फाबफोरनिफ्राय बासायगोन।"

जहान 3:16 – "मानोना ईशोरा संसारखौ एसेग्राब अन्बाय - बियो गावनि सासेल'फिसाल्जाखौ ओरैनो होबाय, जाहाते जाय बिखौ फोथायगोन बियो जोबस्रांनाय नङा नाथाय जोबनो गोयै गोथां जिउखौ मोनगोन।"

क्रुसाव गाउखौ बाउनायजों, जिसुआ फाबनि साजाखौ गावनो लादोंमोन जाहाते जाय बिखौ फोथायो बिखौ निमाहा होनो हायो आरो ईशोरनो होफिन्नो हायो।

2. ईशोरनि अन्नाय आरो मिथिंगानि नुजाथिनायफोरखौ लानानै गोबाङानो गोमोयो- ईशोरा मा बायदि जागोनफालाय होन्नानै। बियो जोंनिफ्राय बेचे गोजानाव थायो? बियो जोंनि बाथ्रा सानो नामा? बायदि-बायदि।

जिसुआ मानसिनि महराव उजिनानै ईशोरनि अन्नायखौ दिन्थिनो आरो बेफोर सोंलुफोरनि फिन्नाय होनो फैदोंमोन।

जहान 14:9 – "जाय आंखौ नुबाय बियो आफाखौबो नुबाय।"

कलस्सी 1:15 – "फिसाज्लाया नुनो मोनै ईशोरनि महर, गासै सोरजिनि सायाव देरसिन जोनोम।"

जिसुआ निखावरिफोरनो अन्नाय दिन्थिदोंमोन, बेमारिफोरखौ फाहामदोंमोन, पापीफोरखौ निमाहा होदोंमोन आरो समाजजों नेवसिजानाय सुबुंफोरनोबो ईशोरनि अन्नायखौ दिन्थिदोंमोन।

3. जिसुआ जोंनि बुहुमारि जिउखौ साबसिन खालामनोल' फैयाखैमोन - बियो जोबनो गैयै जिउ होनो फैदोंमोन। बिथाङा समायखिरा लादोंमोन दि जायफ्रा बिखौ फोथायो बिसोरो माब्लाबाबो आत्मा महरै(spiritually) थैनाय नङा, नाथाय बिनि नुजाथिनायाव अराय गोथां(everlasting) जिउ महरै थांनानै थागोन।

जहान 10:10 – "आं फैबाय जाहाते बिसोरहा गोथां जिउ मोन्नो हायो, आरो बिखौ आबुं खालामनो हायो।"

जहान 11:25 – "आंनो सिखांफिन्नाय(ressurection) आरो गोथङाा । जाय आंखौ फोथायो बियो थैब्लाबो गोथाङै थागोन।"

बेनि ओंथिया बेनोदि जिसुनिआव फोथायनाया धोरोमल' नङा - बेयो जोबनो गैयै गोथां जिउनि बान्थाखौ मोन्नाय।

B. "बासायजाखांनायनि उनाव बासायजानाय सुबुंफोरनि जिउफ्रा बबेउहाय थांनानै थागोन, आरो बाइबेला बिसोरनि जोबनोगैयै अराय सोम थाग्रा थाउनिनि सोमोन्दै मा फोरमायो ?"

बाइबेला उदां खालामजानायफोरनि थाखाय मोनसे गोग्गाथाव इयुनखौ बरनायदों।

1. गोदान सोगो॑ आरो गोदान बुहुम बाइबेला मोनसे इयुननि बाथ्रा बुङो जेराव ईशोरा सानाय-सुनाय, दुखु-दाहा आरो थैनायनिफ्राय उदां जाहोनानै गोदान सोरजिनायखौ लाबोफिनगोन।

नुजाहोजानाय 21:1 – "अब्ला आं मोनसे गोदान सोरगो आरो गोदान बुहुम नुबाय, मानोना सिगांनि सोरगो आरो बुहुमा जोबलांबायमोन, आरो जेबो लैथो गैलामोन।" बे गोदान सोरजिनाया पाप आरो अनागारनिफ्राय उदां जागोन, जेराव धोरोम आरो गोजोन्नाया अरायनि थाखाय रायजो खुंगोन।

2. गोदान जेरुसालेम – मोनसे गोग्गाथाव नोगोर ईशोरा गावनि मानसिफोरनि थाखाय मोनसे आबुं न' थियारि खालामबाय - गोदान जेरुसालेम, मोनसे सोर्गोआरि नोगोर जेराव बियो बासायजानाय गोथारफोरजों अरायबो लोगोचे थागोन।

नुजाहोजानाय 21:2-3 – "आं गोथार नोगोर, गोदान जेरुसालेमखौ ईशोरनि सोरगोनिफ्राय ओंखारबोनाय नुदों, सासे हिन्जाव गोदाननि महराव गावनि फिसायनि थाखाय समायनायै साजायना थियारि जानाय.... नाय! ईशोरनि थाग्रा जायगाया दा मानसिफोरनि गेजेराव दं, आरो बियो बिसोरजों थागोन। बे नोगोरा ईशोरनि महिमाजों बुंफबगोन, जेराव आरोबाव सानाय-सुनाय, दुखु-दाहा एबा थैनाय गैबाउलिया।"

3. ईशोरनि नुजाथिनाय – जोंनि देरसिन बान्था बासायजानायफोरनि थाखाय बयनिख्रुइबो फोथायथावना समायखिराया जादों बिसोरो ईशोरनि थोंजों नुजाथिनायाव थागोन।

नुजाहोजानाय 22:3-5 – "आरो जेबो साव थानाय नङा... बिसोर बिनि मोखांखौ नुगोन, आरो बिनि मुङा बिसोरनि खाफालफोराउ लिरजानाय थागोन... आरो बिसोरो अरायनि थाखाय रायजो खुंफागोन।"

मोनसे जोबनो गैयै रंजानाय, गोजोन आरो ईशोरारि अननायनि जायगायाव थानायखौ सानना नाय- जेराव जेबो दुखु एबा गाज्रि गैया!

नोंनि थाखाय बेनि ओंथिया मा? जिसुआ नोंथांनि थाखाय फैनाया- निमाहा, अन्नाय आरो जोबनो गैयै जिउ होनो थाखाय। बियो रावखौबो बिखौ उनसंनो(follow) नारसिननाय नङा, नाथाय बियो बयखौबो हांख्रायहरो:

जहान 3:17 – "मानोना ईशोरा गावनि फिसाज्लाखौ संसारखौ निन्दा खालामनो थाखाय संसाराव दैथायहराखै, नाथाय बिनि गेजेरजों संसारखौ बासायनो थाखायसो दैथायहरदोंमोन।”

नोंथाङा सासे फोथायग्रा एबा सोरबा सैथोखौ नागिरग्रा जानो हागौ, जिसुआ बयनोबो मिजिं आरो इयुननि आसा होयो। बिनि अन्नायखौ नाजावनो आरो अरायनि थाखाय बिजों थानो एबा बिनिफ्राय गोजानाव थानो - सायख'ना लानाया नोंथांनि ।

जुदि नोंथाङा बिनि बासायजानायखौ मोननो आरो बिनि जोबनो गैयै रायजोनि बाहागो जानो हासथायो, अब्ला नोंथाङा बिखौ फोथायदो, नोंथांनि फाबफोरनि थाखाय उनदाहा खालामनानै बिनियाउ सिखार खालाम, आरो बिखौ नोंथांनि जिउआव हांक्रायदो।

फोथायनायनि मोनसे गोरलै आर'ज: जुदि नोंथाङा जिसुखौ नाजावनो थियारि, अब्ला नोंथाङा बेखौ नोंथांनि गोसोनिफ्राय आरज गाबनो हागोन:

"फोरबु जिसु, आं फोथायो दि नोंङो आंखौ बासायनो फैदों। आं आंनि फाबफोरखौ सिमान लायो आरो नोंनियाउ निमाहा बियो। आं नोंखौ आंनि ईशोर आरो बासायगिरि महरै नाजावो। आंखौ नोंनि आत्माजों आबुं खालाम आरो नोंनि लामायाव आंखौ दैदेन। जोबनो गैयै जिउनि थाखाय नोंखौ साबायखर होबाय। आमेन"।

जोबथा सानथौफोर

जिसुआ खालि जारिमिनखौ सोलायनो थाखायल' फैयाखै, नाथाय नोंथांनि जिउखौ सोलायनो थाखायबो फैदों। बियो गावनि रायजोआव बासायजानाय, थांखि आरो मोनसे जोबनो गैयै (eternal) थाग्रा न' होयो। नोंथाङा फोथायनायाव देरबोनाय फोथायग्रा एबा सोरबा फिन्नाय नागिरबाय थानाय सांचे सुबुं जानो हागौ, बिनि हांख्रायनाया बयनिबो थाखाय गेवलां:

"आंनियाव फै, नोंसोर बयबो बिबान गिलिर बान्नानै मेंनायफोर, आं नोंसोरनो जिरायनाय होगोन।" (माथाइ 11:28)

नोंथांनि फिननाया मा जागोन? फिन्नायखौ होदो(click now): बिनि हांक्रायनायखौ आजाउनो गोसो दं एबा गोसो गैया (सायखोना लानाया नोंथांनि खामानि) !