ईसोरारि गोहोनि बिबानगिरि

Published 0n June 14, 2024

जिसुनि सोलोंसाफोरनो भुतफोरखौ होखारनो, थैनायफोरखौ फोथांनो, बेमारिफोरखौ फाहामनो आरो गुबुन सोमोनांथाव हाबाफोरखौ मावनो होनाय गोहोआ बिसोरनि थांखिनि मोनसे गोथौ बिथिं। बे मोन्थायनि गुदिआ जिसुनि गावनि इसोरारि(Divine) गोहो आरो बिथांनि सोलोंसाफोरखौ बिथोन होनाय। बे बिगुमाया माबोरै खामानि मावो बेखौ बुजिनाया गोदान रदायआव बरनायनाय बायदि बेनि धोरोमारि(Theological) बिथा आरो मोखथाङारि गोहोम गोग्लैनायखो नायगिरनाय।

बिबानगिरिनि धोरोमारि बिथा:

1. **इसोरारि बिथोन**:

सोलोंसाफोरनो होनाय गोहोआ मानसि जोलैनि नङा, नाथाय थोंजोङै जिसुनिफ्राय फैयो, जायखौ ईसोर बिफाया गासैबो मोन्थाय होदों। बिसोरनि गोहोनि आखुखौ बुजिनो थाखाय बे ईसोरारि बिथोना गोनांथार। जिसुआ माथायनि 28:18 आव रोखायै बुङो दि "सोरगो आरो बुहुमाव गासैबो मोन्थायखौ आंनो होनाय जाबाय।" बिथाङा गावनि सोलोंसाफोरनो बिबानगिरि जानो होनाय  फुवारनायजों  गावनि ईसोरारि बिबानगिरि मोन्थायनि मोनसे गोसारहोनायखौ दिन्थियो।

2. ** गोथार आत्माजों गोहो होनाय**:

गोदान रदायआ गले-गले सोलोंसाफोरनि सोमोनांथाव खामानि मावनो हानाय गोहोखौ गोथार आत्मानि गोहोजों सरजाबो। थोनहरजानाय 1:8 आव, जिसुआ गावनि सोलोंसाफोरखौ बुंदों, "नाथाय जेब्ला गोथार आत्माया नोंछोरनि सायाव फैगोन अब्ला नोंछोर गोहोखौ मोनगोन; आरो नोंछोर जेरुसालेमाव, गासै यहूदिया आरो सामरियायाव, आरो बुहुमनि जोबनायछिम आंनि साखि जागोन।" पेन्टेकस्टनि दिनआव गोथार आत्मानि फैनाया (थोनहरजानायनि 2) सोलोंसाफोरखौ इसोरारि गोहोजों गावसोरनि थांखिखौ मावफुंनो गोहो होयो।

जिसु ख्रीष्टआ गावनि सोलोंसाफोरनो माथायनि 16:19 आव बुंनाय बायदिब्ला, आत्मिक साबिफोरा फोथायग्राफोरनो सोरगोनि दरखौ फांथेनो हानाय आरो खेवनोहानाय मोन्थाय गनायथि होयो, जाय खामानिफोरा होबथानो आरो गनायथि होनो हानाय, पापफोरखौ निमाहा होनो हानाय, आरो बुहुमाव ईसोरारि गोहोखौ मावफुंनो एबा बाहायनो हानाय मोन्थाय महरै ओंथि बेखेवनाय जादों (क्रेग एस. कीनर, *दि आईवीपी बाइबल बेकग्राउन्ड कमेन्टारि *)।

3. ** फोथायनाय आरो मानिनाय**:

बे मोन्थायखौ बाहायनो थाखाय जिसुनि बिथोनफोरखौ फोथायनाय आरो मानिग्रा जानाया गोनांथार। जिसुआ सोमोनांथाव खामानि मावनायाव फोथायनायनि गोनांथिनि सायाव गोसो होयो, जेरै माथाय 17:20 बायदि खोन्दोफोराव बिनि बुंनायखौ नुनो मोनो, "थारैनो आं नोंछोरखौ बुंङो  जुदि नोंछोरहा बेसर बेगर बायदि फिसा फोथायनाय दङब्ला, नोंछोरो बे हाजोखौ बुंनो हागोन, 'बेनिफ्राय बैसिम थां' आरो बेयो थांगोन। नोंनि थाखाय जेबो हाथावै जानाय नंङा

सोलोंसाफोरनि मोन्थायनि मावख'आरि गोहोमफोर 

1. ** भुतफोरखौ हुरनहरनाय**:

भुतफोरखौ हुरन हरनायनि मोन्थायखौ जिसुनि सिबिथाइयाव रोखायै दिन्थिनाय जादों आरो थोंजोङै बिथांनि सोलोंसाफोरनो गोहो होनाय जादों। माथाइ 10:1 आव, बेखौ लिरनाय दं, "जिसुआ गावनि जिनै सोलोंसाफोरखौ गावनि खाथियाव लिंहरदोंमोन आरो बिसोरनो गुबुंले एबा गाजि॒ आत्माफोरखौ होखारनो आरो मोनफ्रोमबो रोखोमनि बेराम आजार फोरखौ फाहामनो मोन्थाय होदोंमोन।" बे आत्मानि रायजोआव  गाज्रि जिउफोरनि सायाव गोहोम खोख्लैनाय आरो सुबुंफोरखौ सैतानजों नाक्रेब जानाय निफ्राय उदां खालामनाय हाबा मावनायफोरा जिसुहादि जौछिनथारनि गोहो दं बेखौ दिन्थियो।

2. ** बेमारिफोरखौ फाहामनाय **:

बेमारिफोरखौ फाहामनाया ईसोरनि रायजो फैनायनि मोनसे मोगथाङारि फोरमायथि। जिसुनि फाहामनायनि सोमोनांथाव खामानिफोरा ईसोरनि अननाय आरो गोहोनि नेरसोन महरै खामानि मावो, आरो बिथाङा गावनि सोलोंसाफोरखौ बे हाबाखौ सोलिहोबाय थानो बिथोन होयो। फाहामनो मोन्थायआ मोनसे ईसोरनि रायजोखौ सिफायनाय, जायनि दारै फोसाबफिन्नाय आरो आबुंथिखौ लाबोफिन्नाय फोरमायथियो। बे फाहामथाइया गोबां समावनो जिसुनि गाहाम रादाब फोसावनायजों लोगोसे जायो, जेरै लूक 9:2 आव नुनाय जादों, जेराव जिसुआ सोलोंसाफोरखौ "ईसोरनि रायजोखौ फोसावनो आरो बेमारिफोरखौ फाहामनो थिनहरो।"

3. **थैनायफोरखौ फोथांफिन्नाय**:

थैनायफोरखौ फोथांफिन्नायनि गोहोआ जानो हागौ ईसोरारि गोहोनि बयनिख्रुइबो गोनांथि थुनफावथायारि दिन्थिफुंनाय, जाय थैनायनि सायाव देरहानायखौ दिन्थियो। जैरसनि फिसाजोखौ फोथांनाय (मार्क 5:21-43) आरो लाजारासखौ फोथांनाय (जहान 11) बायदि बिदिन्थिफोरा जिउ आरो थैनायनि सायाव जिसुहादि ईसोरारि गोहो मोन्थाय दं बेखौ रोका दिन्थियो। जेब्ला सोलोंसाफोरखौ बे मोन्थायखौ होनाय जायो, अब्ला बेयो गाहाम-रादाब(गसपेल)नि सोलायहोनो हाग्रा गोहो, जाय गोहोआ थांखांफिन्नाय आरो जोबनो गैयै जिउनि मिजिं लाबोयो बैखौ दिन्थियो।

4. **ओरैनो मोननाय, ओरैनो होनाय**:

"नोंङो ओरैनो मोनबाय; ओरैनो हो" (मत्ती 10:8) बिथोनआ गोसो होनानै बुङो दि सोलोंसाफोरनो होनाय मोन्थाय आरो गोहोआ मोनसे अन्नायनि दानफोर। बिसोरो बे मोन्थायखौ स्वार्थ गैयाजासे उदांयै बाहायनांगौ, जाया जिसुनि गावनि मावनायखौ दिन्थियो। बे खान्थिया रोखा खालामो दि बिसोरनि खामानिफोरा गावारि मुलाम्फा एबा थांखिजों नङा, नाथायबा अन्नाय आरो सिबिनायजों थुलुंगा होनायनिछो।

फोजोबथि

जिसुनि सोलोंसाफोरनो भुतफोरखौ होखारनो, थैनायफोरखौ फोथांफिन्नो आरो बेमारिफोरखौ फाहामनो होनाय गोहोआ बिसोरनि थांखिनि ईसोरारि आखुनि मोनसे गोथौ फोरमान। जिसुनि गावनि मोन्थाय आरो गोथार आत्माजों गोहो होजानाय, बे सोमोनांथाव गोहोआ बुहुमाव ईसोरनि रायजोखौ दावगाहोनायाव खामानि मावो। फोथायनाय, मानिनाय आरो गोथार आत्मानि लामा दिन्थिनायनि गेजेरजों, सोलोंसाफ्रा ओरैबायदि हाबाफोरखौ मावनो हायोदि जाय ईसोरनि रायजोनि नंगुबै गसपेलनि सोलायहोनोहाम्रा गोहोखौ फोरमान होयो। बे खान्तिया आरबाव आसा होयोदि बिछोरनि माउनायफोरा अन्नाय आरो सिबिनायनि गेजेरजोंछो, जाया सोलोंसाफोरखौ जिसुनि नुजाथिनाय आरो गोहोनि खोथा होनायजों जिसुनि थांखिखौ सोलिहोबाय थानो थाखाय खावलायो।

नोंथाङा जिसुनि सोमोन्दै मिथिबावनो हाष्टायो ने ?[ बेवहाय थू ! ]