गाहाम खौरां

Good News of Christ

गाहाम खौरां

Published on May 25, 2024

 

गाहाम खौरांआ बेनोदि जिसु ख्रीष्टआ जोंखौ जोंनि फाबफोरनिफ्राय बासायनो आरो जोंनो जोबनो गैयै गोथां जिउ होनो थाखाय बुहुमाव फैदोंमोन। बाइबेला जोंनो जहान 3:16 आव बुंदों:


"मानोना ईसोरा संसारखौ एचेग्राब अनबाय, बियो गावनि सासेल' फिसाज्लाखौ एरैनो दान होबाय, जाहाते जाय बिखौ फोथायो बियो जोबस्रांनाय नङा नाथाय जोबनो गैयै गोथां जिउखौ मोनगोन।


जिसु ख्रीष्टनि गेजेरजों जों फाबनि सायाव देरहासार जानो हायो। रमारि 6:23 आ बेखेवना होयो:


"मानोना फाबनि मजुरिआ थैनाय, नाथाइ ईसोरनि बान्थाया जोंनि प्रभु ख्रीष्ट जिसुनिआव जोबनो गैयै गोथां जिउ।


जों गासैबो पापी, आरो जोंनि फाबनि साजाया थैनाय। थेवब्लाबो, जिसुआ क्रुसाव थैनानै जोंनि फाबनि बेसेनखौ होदोंमोन। बिनि सायाव फोथायनायनि गेजेरजों जों निमाहा मोन्नो हायो आरो जोबनो गैयै गोथां जिउखौ मोन्नो हायो। रमारि 5:8 आव बुंदों:


"नाथाय ईसोरा बेयाव जोंनि फारसे गावनि अन्नायखौ दिन्थियो: जेब्ला जों दासिमबो पापीमोन, ख्रीष्टआ जोंनि थाखाय थैबाय।"


जेब्ला जों जिसुखौ फोथायो आरो बिखौ जोंनि बासायगिरि होन्नानै नाजावो, अब्ला जोंनि फाबफोरा निमाहा होजाबाय, आरो जों ईसोरनि नोजोराव धोरोमीया खालाम जायो। रमारि 10:9-10 आव बेखेवना होदों:


"जुदि नोंङो नोंनि खुगाजों फोसावो, 'जिसुआनो ईसोर होन्नानै,' आरो नोंनि गोसोआव फोथायो ईसोरा बिखौ थैनायनिफ्राय सिखां होफिनदोंमोन होन्नानै, अब्ला नोंङो बासाय जागोन। मानोना नोंङो नोंनि गोसोजोंनो फोथायो आरो थार होनना बुङो, आरो नोंनि खुगाजोंनो नोंङो नोंनि फोथायनायखौ फोसावो आरो बासायजायो।"


जिसु ख्रीष्टनि सायाव फोथायनाया जोंखौ ईसोरजों गोजोन लाबोयो। रमारि 5:1 आव बुंदों:


"बिनिखायनो, जों फोथायनायनि गेजेरजों थार जाबाय, बिनिखायनो जोंनि प्रभु जिसु ख्रीष्टनि गेजेरजों ईसोरजों गोजोन दं।


आरो बे गोजोना गासैबो बुजिनायनिफ्राय गोजौसिन, जेरै फिलिप्पी 4:7 आ जोंनो बुंदों:


"आरो ईर्सोरनि गोजोन, जाय गासै बुजिनायखौ बारलांगोन, नोंनि गोसोखौ आरो नोंनि गोसोनि सान्नायफोरखौ ख्रीष्ट जिसुनिआव रैखा खालामगोन।"


जोबनायाव, जिसु ख्रीष्टनि सायाव फोथायनायनि गेजेरजों, जोंहा सोरगोआव जोबनो गैयै जिउनि मिजिं दं । जहान 14:2-3 आव बुंदों:


"आंनि बिफानि न'आव गोबां जायगा दं; जुदि बिदि नङामोनब्ला, आं नोंसोरनो खोन्थागौमोन नामा । आं नोंसोरनि थाखाय जायगा थामथिम खालामनो थांगासिनो दं । आरो जुदि आं थांनानै  नोंसोरनि थाखाय जायगा थामथिम खालामखाङो अब्ला फैफिन्नानै नोंसोरखौ आंजों लोगोचे थानो लांफैगोन जाहाथे नोंसोरबो आं जेराव थायो बेयावनो लोगोचे थानो हायो।


गुसुङै बुंनो थाङोब्ला, जिसु ख्रीष्टनि सायाव फोथायनाया जोंखौ फाबनि सायाव देरहासार खालामो, जोंनो बासायजानाय आरो जोबनो गैयै गोथां जिउ लाबोयो, जोंनो ईसोरजों गोजोन होयो, आरो जोंनो अरायसमनि थाखाय सोरगोआव थाफानायनि मिजिं होयो।


नोंथाङा ईसोरनि अन्नायनि सोमोन्दै मिथिबावनो हाष्टायोब्ला [ बेवहाय थू ! ]

Comments

Post a Comment

Popular posts from this blog

ईसोरारि गोहोनि बिबानगिरि

The Authority Of The Divine Power ईसोरारि गोहोनि बिबानगिरि Published 0n June 14, 2024 जिसुनि सोलोंसाफोरनो भुतफोरखौ होखारनो, थैनायफोरखौ फोथांनो, बेमारिफोरखौ फाहामनो आरो गुबुन सोमोनांथाव हाबाफोरखौ मावनो होनाय गोहोआ बिसोरनि थांखिनि मोनसे गोथौ बिथिं। बे मोन्थायनि गुदिआ जिसुनि गावनि इसोरारि(Divine) गोहो आरो बिथांनि सोलोंसाफोरखौ बिथोन होनाय। बे बिगुमाया माबोरै खामानि मावो बेखौ बुजिनाया गोदान रदायआव बरनायनाय बायदि बेनि धोरोमारि(Theological) बिथा आरो मोखथाङारि गोहोम गोग्लैनायखो नायगिरनाय। बिबानगिरिनि धोरोमारि बिथा: 1. **इसोरारि बिथोन**: सोलोंसाफोरनो होनाय गोहोआ मानसि जोलैनि नङा, नाथाय थोंजोङै जिसुनिफ्राय फैयो, जायखौ ईसोर बिफाया गासैबो मोन्थाय होदों। बिसोरनि गोहोनि आखुखौ बुजिनो थाखाय बे ईसोरारि बिथोना गोनांथार। जिसुआ माथायनि 28:18 आव रोखायै बुङो दि "सोरगो आरो बुहुमाव गासैबो मोन्थायखौ आंनो होनाय जाबाय।" बिथाङा गावनि सोलोंसाफोरनो बिबानगिरि जानो होनाय  फुवारनायजों  गावनि ईसोरारि बिबानगिरि मोन्थायनि मोनसे गोसारहोनायखौ दि...
Read more

गोदान सोरगो - गोदान बुहुम: अरायबो थाग्रा न'

The New Heaven And The New Earth: The Eternal Dwelling Home "जिउआव बासायजानायफोरनि जोबथाराजाचे, अरायबो सुखुयै थाग्रा थाउनि आरो न'खौ नायगिरनानै दिरुन्दो !" गासैनो जिउनि आरो धोरोमनि जारिमिनफ्राउ, मानसिफ्रा जिउनि थांखि, बासायजानाय, आरो थैनायनि उनाव मा जायो, बहा थाङो बेनि सोमोनदै गोथौ सोंलुफोर गाउजोंगाउ सोंल्जायो आरो साउरायल्जायो। अरायसमनि थाखै जोंनि सोंनायनि बे फिन्नायखौ बुजिहोनो हानाय महरै होनो हाग्राखौ गोथार बाइबेलाव जिचु ख्रीष्टनि मावनानै दिन्थि लांनाय बिनि जिउ जारीमिनावछो आबुंयै मोन्नो हायो होन्नानै आं सानो । सोंलुफोरनि फिन्नायफोरखौ मोननो थाखै गाहायाउ नायलांदो: A. "जिउनि बासायगिरि हिसाबै बाइबेला जिचु ख्रीष्टनि बुहुमाव मानसिनि महरै जोनोम लाफैनायनि थांखि(मिसन)आ फोथायग्राफोरखौ माबोरै गोहोम खोख्लैयो ?" गोबांआनो जिसुखौ सासे गिदिर फोरोंगिरि, इयुन बुंथिगिरि एबा जारिमिनारि सुबुं महरै नायो, नाथाय बाइबेला फोरमायनाय बादिब्ला बिथांनि थांखिया बेनिक्रूइबो जोबोद देरसिनमोन। बिथांनि फैनाया ज...
Read more