आब्राहामखौ ईसोरनि लि॑नाय

The Call of Abraham <-- End of Google Analytic -->

आब्राहामखौ ईसोरनि लिंनाय

Published on May 20, 2024

सासे फोथायजाथाव सुबुं अब्राहामखौ इसोरआ गोबां हादोरफोरनि बिफा महरै सायख'दोंमोन। बिथाङा आरो बिथांनि बिसि सानैबो बैछो जानायब्लाबो, सासे फिसाज्ला, इसाहाकखौ मोन्नायनि बोर मोन्दोंमोन। इसहाकहा जावजा फिसाज्लाफोर दंमोन, एसाव आरो जाकब। जाकब, जायखौ उनाव इजराइल मुङै मिथिनाय जायो, जिनै फिसाज्लाफोर दंमोन जाय इजराइलनि जिनै हारिसाफोरनि बिफायारि जादोंमोन। जाकबनि फिसाज्लाफोरनि गेजेराव सासे, जसेफखौ बिथांनि बिदा-फंबायफ्रा बान्दा खालामनायाव फानहरदोंमोन, नाथाय जोबनायाव इजिप्टआव सासे गोहोगोरा दैदेनगिरि जानो हादोंमोन। जाथायफोरनि मोनसे फारिनि गेजेरजों, जसेफनि नखरा इजिप्टआव थांदोंमोन, जेराव बिसोरो मोनसे गिदिर हारि  महरै जााखांबोदोऺमोन।  उन्नि जोलैफोरा उनाव, इजराइलनि सुबुंफोरा इजिप्टआव बान्दा जानांदोंमोन। इसोरा बिसोरखौ बान्दानिफ्राय दिहुननो थाखाय मसेखौ फोजौखांदोंमोन। सोमोनांथाव आरो गोमोथाव  हाबाफोरनि  गेजेरजों, इसोरआ इज्राएलनि सुबुंफोरखौ इजिप्टनिफ्राय दिरून बोनानै समायखिरा लानाय हादोराव लाबोदोंमोन। समायखिरा लानाय हादोराव, इज्राएलनि सुबुंफोरा शोऊल, देविट आरो सलोमन बायदि राजाफोरजों मोनसे रायजो गायसनदोंमोन। बबेखानि, रायजोआ जोबनायाव मोन्नै बाहागोआव बोखावजादोंमोन: इजराइलनि साहायारि रायजो आरो जुदानि खोलायारि रायजो। गावसोरनि गासै जारिमिनाव, इज्राएलनि सुबुंफोरा इसोरनि फारसे फोथायथिजों जुजिदोंमोन। बिसोर मानियैनि थाखाय हादोरनिफ्राय होखारहरजानाय आरो जोबथेजानायजों मोगा-मोगि जानांदोंमोन। येशैया, यिर्मयाह आरो इजकिएल बायदि इयुन बुंथिगिरिफ्रा बिसोरखौ उनदाहा खालामनो आरो इसोरनि खाथियाव थांफिन्नो सामोल होदोंमोन। गोबां बोसोरनि उनाव, बेथलेहेम सोहोराव दाऊदनि सासे फोलेरनि जोनोम जादोंमोन - जिसु ख्रीष्ट। बिथाङा गोबाव समनिफ्रायनो नेबाय थानाय मसीहामोन, जायखौ इयुन बुंथिगिरिफोरा सिगांग्रो बुंदोंमोन। जिसुआ अन्नाय, निमाहा होनाय आरो इसोरनि रायजोनि सोमोन्दै फोरोंदोंमोन। बिथाङा सोमोनांथाव खामानि मावदोंमोन, बेमारिफोरखौ फाहामदोंमोन आरो बासायनायनि मोजां खौरांखौ फोसावदोंमोन। बिथांनि फोरोंनाय आरो सोमोनांथाव खामानिफोर थासेआवबो, जिसुखौ रमानफोरा क्रुसाव होदोंमोन। नाथाय सानथामनि उनाव, बिथाङा थैनायनिफ्राय सिखांदोंमोन, जाय पाप आरो थैनायनि सायाव गावनि देरहानायखौ फोरमान खालामदोंमोन। गावनि थैनाय आरो थांखांफिन्नायनि गेजेरजों, जिसुआ बै गासैखौबो, जाया बिखौ फोथायो बिसोरनौ बासाायजानायनि राहा होनानै  गोजामनि इयुन रादाबफोरखौ आबुं खालामो आरो अब्राहामनि उनजोलैफोर आरो गासैबो हारि माहारी फोरनि थाखाय मिजिं लाबोयो।

Comments

Post a Comment

Popular posts from this blog

गाहाम खौरां

Good News of Christ गाहाम खौरां Published on May 25, 2024   गाहाम खौरांआ बेनोदि जिसु ख्रीष्टआ जोंखौ जोंनि फाबफोरनिफ्राय बासायनो आरो जोंनो जोबनो गैयै गोथां जिउ होनो थाखाय बुहुमाव फैदोंमोन। बाइबेला जोंनो जहान 3:16 आव बुंदों: "मानोना ईसोरा संसारखौ एचेग्राब अनबाय, बियो गावनि सासेल' फिसाज्लाखौ एरैनो दान होबाय, जाहाते जाय बिखौ फोथायो बियो जोबस्रांनाय नङा नाथाय जोबनो गैयै गोथां जिउखौ मोनगोन। जिसु ख्रीष्टनि गेजेरजों जों फाबनि सायाव देरहासार जानो हायो। रमारि 6:23 आ बेखेवना होयो: "मानोना फाबनि मजुरिआ थैनाय, नाथाइ ईसोरनि बान्थाया जोंनि प्रभु ख्रीष्ट जिसुनिआव जोबनो गैयै गोथां जिउ। जों गासैबो पापी, आरो जोंनि फाबनि साजाया थैनाय। थेवब्लाबो, जिसुआ क्रुसाव थैनानै जोंनि फाबनि बेसेनखौ होदोंमोन। बिनि सायाव फोथायनायनि गेजेरजों जों निमाहा मोन्नो हायो आरो जोबनो गैयै गोथां जिउखौ मोन्नो हायो। रमारि 5:8 आव बुंदों: "नाथाय ईसोरा बेयाव जोंनि फारसे गावनि अन्नायखौ दिन्थियो: जेब्ला जों दासिमबो पापीमोन, ख्रीष्टआ जोंनि थाखाय थैबाय।...
Read more

ईसोरारि गोहोनि बिबानगिरि

The Authority Of The Divine Power ईसोरारि गोहोनि बिबानगिरि Published 0n June 14, 2024 जिसुनि सोलोंसाफोरनो भुतफोरखौ होखारनो, थैनायफोरखौ फोथांनो, बेमारिफोरखौ फाहामनो आरो गुबुन सोमोनांथाव हाबाफोरखौ मावनो होनाय गोहोआ बिसोरनि थांखिनि मोनसे गोथौ बिथिं। बे मोन्थायनि गुदिआ जिसुनि गावनि इसोरारि(Divine) गोहो आरो बिथांनि सोलोंसाफोरखौ बिथोन होनाय। बे बिगुमाया माबोरै खामानि मावो बेखौ बुजिनाया गोदान रदायआव बरनायनाय बायदि बेनि धोरोमारि(Theological) बिथा आरो मोखथाङारि गोहोम गोग्लैनायखो नायगिरनाय। बिबानगिरिनि धोरोमारि बिथा: 1. **इसोरारि बिथोन**: सोलोंसाफोरनो होनाय गोहोआ मानसि जोलैनि नङा, नाथाय थोंजोङै जिसुनिफ्राय फैयो, जायखौ ईसोर बिफाया गासैबो मोन्थाय होदों। बिसोरनि गोहोनि आखुखौ बुजिनो थाखाय बे ईसोरारि बिथोना गोनांथार। जिसुआ माथायनि 28:18 आव रोखायै बुङो दि "सोरगो आरो बुहुमाव गासैबो मोन्थायखौ आंनो होनाय जाबाय।" बिथाङा गावनि सोलोंसाफोरनो बिबानगिरि जानो होनाय  फुवारनायजों  गावनि ईसोरारि बिबानगिरि मोन्थायनि मोनसे गोसारहोनायखौ दि...
Read more

गोदान सोरगो - गोदान बुहुम: अरायबो थाग्रा न'

The New Heaven And The New Earth: The Eternal Dwelling Home "जिउआव बासायजानायफोरनि जोबथाराजाचे, अरायबो सुखुयै थाग्रा थाउनि आरो न'खौ नायगिरनानै दिरुन्दो !" गासैनो जिउनि आरो धोरोमनि जारिमिनफ्राउ, मानसिफ्रा जिउनि थांखि, बासायजानाय, आरो थैनायनि उनाव मा जायो, बहा थाङो बेनि सोमोनदै गोथौ सोंलुफोर गाउजोंगाउ सोंल्जायो आरो साउरायल्जायो। अरायसमनि थाखै जोंनि सोंनायनि बे फिन्नायखौ बुजिहोनो हानाय महरै होनो हाग्राखौ गोथार बाइबेलाव जिचु ख्रीष्टनि मावनानै दिन्थि लांनाय बिनि जिउ जारीमिनावछो आबुंयै मोन्नो हायो होन्नानै आं सानो । सोंलुफोरनि फिन्नायफोरखौ मोननो थाखै गाहायाउ नायलांदो: A. "जिउनि बासायगिरि हिसाबै बाइबेला जिचु ख्रीष्टनि बुहुमाव मानसिनि महरै जोनोम लाफैनायनि थांखि(मिसन)आ फोथायग्राफोरखौ माबोरै गोहोम खोख्लैयो ?" गोबांआनो जिसुखौ सासे गिदिर फोरोंगिरि, इयुन बुंथिगिरि एबा जारिमिनारि सुबुं महरै नायो, नाथाय बाइबेला फोरमायनाय बादिब्ला बिथांनि थांखिया बेनिक्रूइबो जोबोद देरसिनमोन। बिथांनि फैनाया ज...
Read more